Амбасадорката на Израел во Македонија, Вивијан Ајзен, објави видео-снимка од обидот за опожарување на синагогата во Скопје, направена од безбедносни камери.
На снимката се гледаат две лица како прескокнуваат ограда и се доближуваат до влезот на објектот. Потоа, тие прскаат со запалива течност, по што фрлаат факел и предизвикуваат пожар.
Од СВР Скопје за МИА изјавиле дека во двор на верски објект биле забележани канистар за гориво и траги од горење.
Еврејската заедница во Македонија го осуди овој чин и апелира до надлежните органи за целосно расветлување на случајот и доследна примена на законите, како и за гласна и обединета осуда од сите верски лидери, институции и граѓани.
A deeply troubling antisemitic incident in North Macedonia—the first since 1945—strikes at the very values of coexistence the Jewish community upholds.
I stand with the community and trust the authorities will act swiftly to bring those responsible to justice.@TimcoMucunski… https://t.co/Pj6QmnJauf— Vivian Aisen 🇮🇱 (@VivianAisen) April 12, 2026