Autoritetet në Shtetet e Bashkuara të Amerikës kanë publikuar pamje zyrtare që dokumentojnë një incident të armatosur gjatë një eventi ku ishte i pranishëm edhe Donald Trump.
Sipas informacioneve, ngjarja ka ndodhur gjatë një darke me gazetarë të mbajtur në Washington Hilton, ku një person ka arritur të depërtojë përmes perimetrit të sigurisë. Pamjet tregojnë momentin kur i dyshuari kalon kontrollet dhe më pas hap zjarr, duke plagosur një agjent policor dhe duke shkaktuar panik mes të pranishmëve.
Autoritetet kanë bërë të ditur se i dyshuari, një 31-vjeçar me mbiemrin Allen, është arrestuar menjëherë pas incidentit dhe është paraqitur në një gjykatë federale. Ai ka pranuar të qëndrojë në paraburgim deri në vazhdimin e procesit gjyqësor dhe, sipas burimeve zyrtare, nuk i ka mohuar akuzat e ngritura ndaj tij.
Hetimet janë në vijim për të sqaruar plotësisht motivet dhe rrethanat e ngjarjes, ndërsa autoritetet kanë theksuar se po shqyrtohen edhe masat e sigurisë për evente të tilla të nivelit të lartë.
viideo –