Një vajzë 11-vjeçare nga Shkupi është plagosur rëndë pasi u përplas nga një automjet në një kryqëzim në qytet, ndërsa shoferi pas aksidentit u largua nga vendi i ngjarjes.
Ministria e Punëve të Brendshme njofton se rasti është raportuar më 16 mars në orën 16:10, kur nga Qendra Emergjente e kompleksit të klinikave “Nëna Terezë” është bërë e ditur se e mitura është dërguar me plagë të rënda.
Sipas informacionit paraprak, aksidenti ndodhi rreth orës 13:20 në kryqëzimin mes rrugëve “Vasil Gjorgov” dhe rrugës shërbimore që çon te “Fronti Popullor”, ku një automjet goditi vajzën dhe më pas u largua.
Në vendin e ngjarjes u krye ekspertizë nga ekipi i SPB Shkup, ndërsa policia po ndërmerr masa për gjetjen e shoferit dhe zbardhjen e plotë të rastit.