Земјотрес ја потресе Македонија – епицентарот во близина на Велес
Утрово е регистриран слаб земјотрес во централниот дел на Македонија, соопштуваат сеизмолошките служби.
Според официјалните податоци, земјотресот се случил во 06:54 часот и бил со јачина од 2,1 степен според Рихтеровата скала.
Епицентарот бил лоциран во близина на Велес, на длабочина од околу пет километри, што значи дека потресот можел слабо да биде почувствуван од дел од населението во околината.
Засега нема пријави за причинета материјална штета, ниту информации за повредени лица.
Надлежните институции продолжуваат да ја следат сеизмичката активност, а доколку има нови информации, јавноста ќе биде навремено информирана.