Вистинско чудо во Венецуела: Мајка и нејзините три деца спасени живи по 11 дена под урнатини
Во Венецуела е забележана неверојатна приказна за преживување по разорните земјотреси што ја погодија земјата на 24 јуни. Мајка и нејзините три деца биле извлечени живи од урнатините дури 11 дена по катастрофата.
Спасувачката акција била спроведена во областа Ла Гуарија, една од најтешко погодените од силните земјотреси. Семејството останало заробено под урнатините на станбена зграда уште од моментот на нејзиното уривање.
Според информациите на надлежните служби, мајката успеала да ги одржи своите три деца во живот така што ги доела во текот на целиот период додека биле затрупани. По повеќедневна интензивна потрага, спасувачките екипи успеале да ги лоцираат и безбедно да ги извлечат од урнатините.
Во меѓувреме, последиците од катастрофалните земјотреси остануваат сериозни. Според официјалните податоци, загинале 3.685 лица, а 16.740 се повредени, додека илјадници луѓе сè уште се водат како исчезнати.
Земјотресите предизвикаа огромна материјална штета, уништувајќи или оштетувајќи околу 60.000 објекти и оставајќи илјадници семејства без домови.
Властите и експертите предупредуваат дека, покрај последиците од земјотресите, постои и сериозен ризик од ширење заразни болести поради недостигот на чиста вода за пиење и тешките хигиенско-санитарни услови во погодените подрачја.