Tragjedi ne pushime: Burri vret gruan pasi e gjen me një burrë tjetër në dhomën e hotelit
Një ngjarje e rëndë ka tronditur qytetin bregdetar të Antalyas, ku një konflikt në një hotel përfundoi me dy viktima.
Sipas raportimeve, 41-vjeçari Mehmet Yılmaz dyshonte prej kohësh se bashkëshortja e tij, Ayşe Demir, kishte një lidhje jashtëmartesore. Pas disa ditësh vëzhgimi, ai arriti të lokalizonte hotelin ku ajo po qëndronte.
Me të hyrë në dhomë, ai dyshohet se e gjeti bashkëshorten së bashku me Emre Kaya, çka çoi në një debat të ashpër që më pas u përshkallëzua në dhunë.
Sipas autoriteteve, Mehmet Yılmaz përdori një armë zjarri dhe qëlloi ndaj dy personave. Emre Kaya humbi jetën në vendngjarje, ndërsa Ayşe Demir ndërroi jetë gjatë transportimit për në spital si pasojë e plagëve të marra.
Pas incidentit, i dyshuari nuk u largua nga vendi i ngjarjes dhe u arrestua nga policia menjëherë pas mbërritjes së forcave të rendit. Për arsye sigurie, zona rreth hotelit u izolua për disa orë dhe mysafirët u evakuuan.
Ngjarja ka shkaktuar tronditje te stafi dhe turistët që ndodheshin në hotel, ndërsa hetimet vijojnë për të zbardhur plotësisht rrethanat dhe motivin e konfliktit.